Kvartmíluklúbburinn 1975-2025

Útgáfuár: 2026

Í þessari bók er „brunað“ í gegnum 50 ára sögu Kvartmíluklúbbsins, sem vissulega hefur upplifað tímana tvenna. Greint er frá skrautlegum aðdraganda að stofnun hans og fjölmörgum ökumönnum er fylgt eftir á misjöfnum ökutækjum, svo ekki sé meira sagt. Við sögu koma meðal annars prjónandi Volvo kryppa, græn padda, kókosbolla, sérbökuð vínabrauðslengja, fyrir nú utan allar Monzurnar, Chevrolettana, Pontiacana, Camaroana,  Willysana, Yamaha-hjólin og er þá fátt upp talið. Margt er hér afar fróðlegt og þótt á móti blási á köflum er oft stutt í húmorinn. Fjölmargar myndir prýða bókina og auðvitað lætur enginn áhugamaður um akstursíþróttir þetta eðallesefni fram hjá sér fara.

Leiðbeinandi verð: 9.980-.

Flensborg – stúdentar í fimmtíu ár

Útgáfuár: 2026

Vorið 2025 voru 50 ár liðin frá því að fyrstu stúdentarnir útskrifuðust frá Flensborgarskólanum í Hafnarfirði. Skólinn á sér þó lengri sögu og afar merkilega. Í þessari bók er sú saga rakin, auk þess sem 22 Flensborgarstúdentar deila með okkur minningum sínum úr skólanum og eru þær býsna skemmtilegar og á köflum bráðfyndnar.

Leiðbeinandi verð: 8.480-.

Berklar á Íslandi

Útgáfuár: 2025

Hér er fjallað um einn lífshættulegasta smitsjúkdóm sem gengið hefur á Íslandi og nær sagan fram til ársins 1950. Þá fór bæði að draga úr smitum og dauðsföllum af völdum veikinnar. Berklaveiki var mikið mein í íslensku samfélagi í byrjun tuttugustu aldar og var dánartala berklasjúklinga á Íslandi ein sú hæsta í Evrópu. Í bókinni er að finna fjölmargar persónusögur, sumar enduðu illa, en aðrar vel.

Leiðbeinandi verð: 9.480-.

Síldardiplómasía

Útgáfuár: 2024

Síldardiplómasía fjallar, eins og nafn bókarinnar bendir til, um hinar mörgu hliðar síldarinnar, allt frá þætti hennar í menningu þjóða yfir í dýrindis síldarrétti, með viðkomu á ótal stöðum, meðal annars hjá þremur íslenskum sjávarútvegsfyrirtækjum, sem stunda síldveiðar. Þau eru: Síldarvinnslan, Brim og Skinney-Þinganes.

Leiðbeinandi verð: 8.980-.

ÓKEI

Útgáfuár: 2024

OK eða O.K., ýmist með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla jörð og mun í ofanálag vera fyrsta orðið sem heyrðist mælt á tunglinu. Það er ekki lítið afrek!

Í Vesturheimi fæddi OK bráðlega af sér okay og okey, sem og oke um 1930 og eftir það hafa fjölmargar útgáfur bæst við. Til Íslands hefur orðið eflaust borist sem talmál, eins og víðast hvar annars staðar, en ekki er ljóst nákvæmlega hvenær. Á prenti sést það hins vegar fyrst á 4. áratug 20. aldar. Síðar eignaðist það afkvæmi hér — sambandið allt í kei(inu). En hvernig byrjaði þetta allt? Það er spurningin. Í þessari bók eru reifaðar 50 kenningar, sem allar hafa það að markmiði að reyna að svara henni.

Leiðbeinandi verð: 7.780-.

Svartir kettir, fullt tungl og rauðhærðar konur

Útgáfuár: 2024

Hvað boðar það við vissar aðstæður að sjá svartan kött? Eru rauðhærðar konur hættulegri en aðrar? Af hverju klæðast margir afkomendur Reynisstaðabræðra ekki grænum fötum?

Hér er fjallað um hjátrú af ýmsum toga, bæði innlenda og erlenda, gamalgróna og nýja. Leitast er við að setja efnið fram á skýran og einfaldan hátt með því meðal annars að flokka hjátrúna í efnisflokka svo sem: Dýr, tíminn, líkaminn, ástir og kynlíf, matur og drykkur, athafnir, börn, hlutir, sjúkdómar og dauði.

Leiðbeinandi verð: 7.780-.

Drottningin í Dalnum

Útgáfuár: 2024

Þetta er saga Guðrúnar Margrétar Þorsteinsdóttur, tveggja eiginmanna og sona hennar í Vatnsdal, Þorsteins Konráðssonar á Eyjólfsstöðum og Eggerts K. Konráðssonar á Haukagili. Saga Guðrúnar Margrétar er um margt merkileg. Foreldrar hennar urðu að láta hana frá sér vegna fátæktar og ómegðar þegar hún var aðeins þriggja ára. Hún eignaðist þrjú börn og varð ekkja í annað sinn 42 ára. Í kjölfarið tókst hún á við það verkefni að kaupa jörðina Haukagil og þar bjó hún með reisn í 26 ár. Hún var Drottningin í Dalnum.

Samhliða frásögnum af Guðrúnu Margréti er hér að finna lýsingu á sveitasamfélaginu í 140 ár, frá 1800 til 1940, eða þangað til það var að líða undir lok og samfélag þéttbýlis að taka við. Sagt er í meginþáttum frá gamla landbúnaðarsamfélaginu; híbýlum, j-örðum, jarðeigendum, leiguliðum, vinnufólki og ómögum, ásamt lýsingu á helstu efnahagslegu þáttum þjóðfélagsins á þessu tímabili. Í lok bókarinnar er fjallað um samferðarfólk Guðrúnar Margrétar og sona hennar í Vatnsdal árin 1890-1940.

Hér er um að ræða einstakt heimildarrit sem bregður ljósi á hag- og samfélagssögu Íslendinga í tæplega eina og hálfa öld. Fjöldi mynda og korta prýða bókina.

Leiðbeinandi verð: 8.790-.

Til taks – Þyrlusaga Landhelgisgæslu Íslands – fyrstu 40 árin

Útgáfuár: 2024

Í þessari bók er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. Sagt er frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar, viðamestu verkefnum þyrlnanna og sviplegum atburðum í rekstri þeirra. Tveir af höfundum bókarinnar, þeir Páll Halldórsson og Benóný Ásgrímsson, eru reyndustu þyrluflugmenn okkar og hafa þeir, ásamt fleirum auðvitað, komið mörgum til bjargar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður.

Fjölmargar myndir prýða bókina, sem ætti að höfða til allra landsmanna, enda koma þyrlur Landhelgisgæslunnar nánast við sögu á hverjum degi og þar leggja menn sig í líma við að bjarga lífi þeirra sem staddir eru í hættu.

Leiðbeinandi verð: 7.480-.

Völvur á Íslandi

Útgáfuár: 2023

Frá elstu tímum eru til sagnir um konur, sem vissu lengra nefi sínu. Þekktastar eru tvímælalaust völvurnar. Þær nutu mikillar virðingar, stundum reyndar óttablandinnar, enda voru þær á mörkum tveggja heima og höfðu vitneskju um það, sem flestum ððrum var hulið. Sumum þeirra fylgja magnaðar sögur og þær finnur þú í þessari einstöku bók.

Þetta er sannkallað stórvirki og var lengi í smíðum.

Leiðbeinandi verð: 9.480-.

Björn Pálsson – Flugmaður og þjóðsagnapersóna

Útgáfuár: 2023

Björn Pálsson var frumkvöðull í sjúkraflugi á Íslandi. Hann vann marga hetjudáðina og var kallaður „bjargvættur landsbyggðarinnar“ en hann var oft eina lífsvon sjúkra og slasaðra úti á landi. Hann fór í loftið þótt veðurútlitið væri allt annað en gott til flugs, svo ekki sé nú minnst á lendingarstaðina sem sumir voru varla meira en „lófastærð“. Þetta er vægast sagt einstök lesning um einstakan mann og ekki seinna vænna að halda minningu hans á lofti.

Leiðbeinandi verð: 7.980-.