Ævintýraheimur íslenskra fugla 2

Hver er drottning Atlantshafsins?

Hvaða fugl var áður nefndur rauðkollur?

Hver gerir fljótandi hreiður?

Hver segir „úíka úíka“?

Og hvaða fugl kann að tala íslensku?

Í þessari bók kynnumst við 16 nýjum fuglategundum af þeim 75-80 sem verpa að staðaldri á Íslandi. Við fræðumst um söghu þeirra, skoðum hvernig þeir líta út ogh hvað þeir gera dagsdaglega. Þeir skipta máli fyrir náttúruna og okkur.

Leiðbeinandi verð: 4.380-.

Fótboltaspurningar 2026

Hvaða ítalska lið ber meðal annars gælunöfnin „Gamla konan“ og „Sebrahestarnir“?

Hvaða félag hefur hreiðrað um sig í Úlfarsárdal?

Í hvaða bæjarfélagi er Orkumótið haldið?

Hvert er millinafn norsku markamaskínunnar Erling Haaland?

Hvaða franska framherja keypti Liverpool frá Eintracht Frankfurt sumarið 2025?

Hvaða leikmaður Manchester UNited átti flestar stoðsendingar í Úrvalsdeildinni keppnistímabilið 2025-2026, eða 21 stoðsendingu, sem þess utan er met í deildinni?

Hvaða íslenska knattspyrnukona sneri heim úr atvinnumennsku sumarið 2026 og gekk í raðir uppeldisf´ðealgs síns, Hauka, þrátt fyrir að liðið léki í næstefstu deildinni, Lengjudeildinni?

Þessar spurningar og margar fleiri finnurðu í þessari mögnuðu bók!

Leiðbeinandi verð: 1.980-.

Landhelgisgæsla Íslands 1926-2026

Landhelgisgæsla Íslands hefur staðið vaktina í 100 ár. Hún nýtur mikils velvilja landsmanna og meira trausts en aðrar íslenskar stofnanir. Í þessari bók er tæpt á því helsta sem við hefur borið hjá Landhelgisgæslunni.

Gæsla landhelginnar, sem þurfti að verja í þremur þorskastríðum, og björgunarstörf voru áberandi fyrstu 80 árin en undanfarin 20 ár hefur umfangið aukist mikið. Brottför varnarliðsins kallaði á eflingu þyrlusveitarinnar og svo bættust öryggis- og varnartengd verkefni við. Fjölþjóðlegt samstarf jókst og árlega heldur Landhelgisgæslan utan um stórar alþjóðlegar æfingar hér á landi. Þá opnaði þátttaka í landamæragæslu við Miðjarðarhaf og fiskveiðieftirliti við Afríkustrendur nýjar dyr.

Landhelgisgæslan ræður nú yfir fullkominni eftirlits- og gæsluflugvél og öflugum varðskipum. Hú gerir út vel búnar björgunarþyrlur, kraftmikla aðgerðarbáta og sjómælingaskip. Tilraunir eru gerðar með ómönnuð flugför til eftirlits og ómannaður kafbátur kannar hafdjúpin. Það er enginn ellibragur á Landhelgisgæslunni.

Þessi bók geymir magnaðar frásagnir af björgunarstörfum, átökum á miðunum og ýmsu öðru sögulegu og ekki spillir myndefnið fyrir.

Leiðbeinandi verð: 11.480-.

Fundarsköp

Þessi handbók um fundarstjórn og meðferð tillagna ætti að vera til í hverju einasta fyrirtæki og félagi, sem og í hverri einustu stofnun.  Rétt fundarstjórn er öllum mikilvæg.

Fundarstjóri sem hefur bókina við höndina þarf ekki að kunna utanbókar allar reglur um meðferð tillagna. Miðkafli bókarinnar veitir honum möguleika á því að vera fljótur að fletta upp á þeirri tegund tillögu sem fram hefur komið og afgreiða hana strax á réttan hátt. Kosturinn við þessar síður í miðkaflanum eða flettiopnunum, eins og þær eru nefndar í bókinni, er í því fólginn að sé fingri stutt á á tölu og síðan flett blasir við opna sem fjallar um viðkomandi tillögu eða tillöguígildi, skýrir afgreiðsloureglur er hana varða og veitir upplýsingar um réttarstöðu hennar gagnvart öðrum tillögum.

Fundarsköp hefur verið ófáanleg um margra ára skeið en er nú aftur fáanleg.

Leiðbeinandi verð: 4.480-.

Hernámsæskan

Sumar stundir eru stærri en aðrar og það má tvímælalaust segja að hernámið sé sú stærsta í sögu þjóðarinnar. En hvernig upplifðu Íslendingar stríðsárin og hver voru samskiptin við herinn? Með því að skoða þessi örlagaríku ár út frá unga fólkinu má draga upp mynd af miklum umbrotum og sterkum hughrifum. Herinn kom með vopn og vinnu en honum fylgdu einnig margvíslegir menningarstraumar sem höfðu mikil áhrif á æskulýðinn. Þjóðleg sveitamennska mátti sín lítils fyrir spjátrungslegum klæðnaði, dillandi djasstónum, Coca Cola og töffaralegri framkomu. Hér fléttast þetta allt saman í litríkum frásögnum sem enginn áhugamaður um íslenska sögu lætur fram hjá sér fara.

Leiðbeinandi verð: 8.980-.

Endurminningar frá Eskifirði

Á Eskifirði sleit Þorsteinn Skúlason, síðar bæjarfógeti í Neskaupstað og saksóknari hjá lögreglunni í Reykjavík, barnsskónum. Þar átti hann heima frá fæðingu 1940 og þar til hann fluttist í höfuðstaðinn 1957 og hóf nám við Menntaskólann í Reykjavík.

Í endurminningum sínum snýr Þorsteinn aftur á æskuslóðirnar, rifjar upp gamla tíma og dregur upp skýra mynd og skemmtilega af mannlífinu á Eskifirði og Austurlandi um miðja síðustu öld. Kunnir Austfirðingar stíga fram í sviðsljósið, sögusviðið birtist lesandanum ljóslifandi fyrir hugsskotssjónum og tíðarandinn verður honum áþreifanlegur.

Endurminningar á Eskifirði er forvitnileg heimild um horfinn tíma og ekki síður um fallega bæinn undir Hólmatindi.

Leiðbeinandi verð: 7.980-.

Spurningabókin 2026

Hvað kallast hljóðið sem rottur og mýs gefa frá sér?
*
Í hvaða bæjarfélagi er Ungmennafélagið Afturelding?
*
Geta kettir veikst af fuglaflensu?
*
Til hvaða lands er styst að fara frá Íslandi?

Í þessari bók er að finna fjölmargar spurningar sem gera hana að sannkallaðri fjölskyldubók, enda er hægt að grípa til hennar við ansi mörg tækifæri.

Leiðbeinandi verð: 1.980-.

Fimm aurar – Heimsins bestu brandarar!

Hvernig bragð er af stafasúpu?
Nú, auðvitað orðbragð.

*

Það er sagt að 70% þjóðarinnar séu hálfvitar.
Ég hlýt þá að tilheyra hinum 40%.

*

Konan mín æpti á mig að ég ætti ekki yngsta strákinn.
Nú verð ég að fara aftur á leikskólann og reyna að finna þann rétta.

Þetta er bara örlítið brot af snilldinni sem finna má í þessari stórskemmtilegu bók sem hentar fólki á öllu aldri.

Leiðbeinandi verð: 2.280-.

Helvítis fantur ertu!

HELVÍTIS FANTUR ERTU! er ævisaga Gunnars Inga Gunnarssonar sem lungann úr starfsævi sinni var yfirlæknir á Heilsugæslunni Árbæ. Hann kom reyndar víðar við, svo sem á Slysavarðstofunni og Læknavaktinni, auk þess að grípa í afleysingar á fjölmörgum stöðum á landsbyggðinni. Þá lét hann jafnframt til sín taka á öðrum vígstöðvum og gekk það ekki alltaf þegjandi og hljóðalaust fyrir sig, eins og dæmin sanna.

Gunnar Ingi hefur næmt auga fyrir því skoplega í tilverunni og ber bókin þess glöggt merki. Fjölmargar skemmtilegar sögur af ótrúlegum uppákomum er hér að finna en einnig dapurlegar. Hann hefur séð dauðann í sinni óvenjulegustu mynd og stóð um tíma sjálfur, af eigin völdum, á bjargbrún tilverunnar. Stuttu síðar gerði ólánsmaður einn úr undirheimunum „heiðarlega“ tilraun til þess að koma honum fyrir kattarnef — og ekki bara einu sinni.

Leiðbeinandi verð: 7.980-.

Vísnagátur úr Vestmannaeyjum

Í þessu bráðskemmtilega kveri glíma lesendur við mannanöfn, örnefni og húsanöfn í Vestmannaeyjum. Stundum liggur lausnin ef til vill í augum uppi, líka hjá þeim sem ekki þekkja þarna til, en öðrum tilvikum þarf örugglega að kafa djúpt eftir henni.

Leiðbeinandi verð: 3.380-.