Fótboltaspurningar 2017
Útgáfuár: 2017
Hjá hvaða liði á Daníel Laxdal leikjametið í Úrvalsdeildinni? Andlit hvaða dýrs er í merki Leicester? Frá hvaða landi er Keylor navasx? Hver af þessum þremur hefur aldrei verið kosinn Íþróttamaður ársins: Margrét Lára Viðarsdóttir, Heiðar Helguson eða Guðni Bergsson? Frá hvaða landi er knattspyrnuliðið AZ Alkmaar?
Þessi bók er algjörlega ómissandi á heimilum knattspyrnuáhugamanna!
Leiðbeinandi verð: 1.690-.
Fótboltaspurningar 2016
Útgáfuár: 2016
Í landsliðshópi Íslands á EM voru þrír markverðir. Hvað heita þeir?
Hvað heitir stuðningsmannaklúbbur íslenska landsliðsins?
Frá hvaða liði keypti Real Madrid Króatann Luka Modric?
Hversu oft hefur Manchester United orðið deildabikarmeistari?
Hvernig eru sokkarnir á litinn í aðalbúningi Porto?
Þetta og margt fleira í þessari frábæru fótboltaspurningabók sem enginn knattspyrnuunnandi lætur fram hjá sér fara.
Leiðbeinandi verð: 1.490-.
Lars Lagerbäck og íslenska landsliðið
Útgáfuár: 2016
Framfarir íslenska karlalandsliðsins í knattspyrnu hafa verið gríðarlega miklar síðan Lars Lagerbäck tók við þjálfun þess. Í þessari bók er farið yfir aðdragandann að ráðningu hans að landsliðinu, ferill hans rakinn, sagt frá samstarfi hans og Heimis, verkaskiptingu þeirra, uppbyggingu liðs- og blaðamannafunda og farið yfir alla landsleiki frá því að þeir komu þar að málum. Þá er þarna fjölmargt annað, s.s. fjallað um það hvers vegna Lars var óvænt útnefndur „Leiðinlegasti Svíinn“.
Þetta er bók sem enginn knattspyrnuunnandi getur verið án.
Leiðbeinandi verð: 5.980-.
Uppseld.
Steven Gerrard – Árin hjá Liverpool
Útgáfuár: 2015
Steven Gerrard er einn besti knattspyrnumaður sinnar kynslóðar. Hann hóf að æfa með Liverpool á unga aldri og varð með tíð og tíma einn besti leikmaðurinn í sögu þess. Þá var hann fyrirliði Liverpool lengur en nokkur annar og tók við sigurlaunum Meistaradeildarinnar 2005 eftir einn ótrúlegasta úrslitaleik sögunnar.
Í þessari bók er rakin saga Gerrard og einnig Liverpool og enska landsliðsins á tíma hans þar. Þessa bók lætur enginn knattspyrnuunnandi framhjá sér fara.
Leiðbeinandi verð: 6.980-.
Fótboltaspurningar 2015
Útgáfuár: 2015
Hvaða fugl prýðir merki Vals? Hversu oft hefur Manchester United orðið Evrópumeistari? Hvaða leikmaður Chelsea var rekinn af velli í janúar 2013 fyrir að sparka í boltastrák? Hvert var síðasta liðið sem Ronald Koeman lék með? Liverpool keypti þrjá leikkmenn frá Southampton sumarið 2014. Tveir þeirra eru Rickie Lambert og Adam Lallana, en hver er sá þriðji? Þessi bók á að vera til á öllum heimilum knattspyrnuáhugamanna – og auðvitað hinna líka.
Leiðbeinandi verð: 1.390-.
Fótboltaspurningar
Útgáfuár: 2014
Í þessari bók er í orðsins fyllstu merkingu farið út um víðan völl og þá auðvitað fótboltavöll. Spurt er um íslensk lið og leikmenn, stórstjörnur, knattspyrnustjóra og lið hér og þar í heiminum – og fleira til. Hvert var fyrsta atvinnumannalið Gylfa Þórs Sigurðssonar? Með hvaða liði lék Daniel Sturridge áður en hann var seldur til Liverpool? Hverrar þjóðar er Edison Cavani? Hvert af landsliðunum á HM 2014 er oft kallað Prinsarnir frá Persíu? Hvers konar fugl má finna í merki Norwich? Hvaðan er Einherji? Þetta og margt fleira fyrir knattspyrnuunnendur og hina líka, eða hvað?
Leiðbeinandi verð: 1.190-.
Manchester United – spurningabók
Útgáfuár: 2013
Hvað veistu um Rauðu djöflana? Bráðskemmtileg spurningabók um frægasta félagslið veraldar, Manchester United.
Frá hvaða liði keypti Manchester United David de Gea?
Hvert er kunnuglegra nafn á leikmanninum Luis Carlos Almeida da Cunha sem gekk í raðir Manchester United árið 2007?
Wayne Rooney er númer 10, en hvert var fyrsta númerið hans hjá Manchester United?
Hverrar þjóðar er Ryan Giggs?
Keppnistímabilið 2012-13 fór Manchester United nokkuð létt með Norwich á Old Trafford og sigraði það 4-0. Wayne Rooney skoraði fjórða og síðasta markið, en hver skoraði hin þrjú?
Þetta og margt fleira í þessari einstöku spurningabók.
Leiðbeinandi verð: 1.290-.
Uppseld.
Handknattleiksbókin I-II
Útgáfuár: 2012
Í þessu glæsilega tveggja binda verki er rakin saga handknattleiksins á Íslandi. Ævintýrið hófst árið 1920 og spannar bókin yfir 90 ár, eða til 2010. Fjallað er rækilega um upphaf þessarar íþróttagreinar, sem ávallt hefur snert sterkar taugar í þjóðarsálinni, og þá menn sem mörkuðu fyrstu sporin. Íslandsmótinu eru gerð góð skil sem og bikarkeppninni og Evrópuleikjum félagsliðanna. Og vitaskuld fer feikimikið púður í landsliðin okkar sem borið hafa hróður lands og þjóðar víða um heim.
Handknattleiksbókina I-II ættu allir unnendur handknattleiks sem og íþrótta almennt að lesa.
Leiðbeinandi verð: 18.900-.
Uppseld.
Fótboltaspilið
Útgáfuár: 2011
FÓTBOLTASPILIÐ, eftir Guðjón Inga Eiríksson, er komið út. Það inniheldur 1800 fótboltaspurningar og býður upp á skemmtilega keppni tveggja eða fleiri. Þarna er m.a. að finna spurningar um enska boltann, íslenska boltann, Meistaradeildina og auðvitað margt fleira. Fótboltaspilið er allt í senn fræðandi, skemmtilegt og spennandi og vafalítið munu knattspyrnuunnendur eiga góðar stundir yfir því á næstu vikum og mánuðum.
Fótboltaspilið fæst vitaskuld hjá Bókaútgáfunni Hólum (pöntunarsími 557-5270, netfang: holar@holabok.is), en einnig í flest öllum búðum og stórmörkuðum sem selja bækur.
Leiðbeinandi verð: 7.980-.
Sá besti!
Útgáfuár: 2007
Portúgalinn Cristiano Ronaldo sló svo sannarlega í gegn með Manchester United. Hér er rakin saga hans fram til 2007; bæði sigrar og sorgir. Frábærar myndir prýða bókina.
Leiðbeinandi verð: 2.480-.
Uppseld.