Saga Vélstjórafélags Íslands

Útgáfuár: 2009

Hér er rakin saga Vélstjórafélags Íslands í máli og myndum; farið í gegnum þá þróun sem orðið hefur í vélstjóramenntuninni og vélstjórastarfinu og beinist þá athyglin ekki síst að iðnbyltingunni – bæði til sjávar og sveita.

Leiðbeinandi verð: 6.900-.

Uppseld.

Auschwitz

Útgáfuár: 2008

Í Auschwitz var framinn mesti glæpur sögunnar.  Þessi bók, sem á köflum birtir óhugnanlegar lýsingar á því sem þar gerðist, færir okkur heim sanninn um það, en hún byggir bæði á viðtölum við nasistahrottana og það fólk sem lifði helförina af.

Uppseld.

Þræðir

Útgáfuár: 2008

Hrafnkell A. Jónsson, verkalýðsleiðtogi, stjórnmálamaður og fræðimaður, lést langt um aldur fram.  Því þótti vinum hans og velunnurum tilvalið að taka saman brot úr ævi þessa svipmikla manns sem sjaldan fór troðnar slóðir.  Einnig eru hér einnig þær fræðigreinar sem Hrafnkell ritaði og birtust í ýmsum ritum, en þrátt fyrir mikinn hamagang á sviði verkalýðs- og stjórnmála þá blundaði í honum fræðimaður, sem því miður var kallaður burtu frá ýmsu óloknu á þeim vettvangi.

Leiðbeinandi verð: 5.980-.

Uppseld.

Norðfjarðarbók

Útgáfuár: 2008

Hér má finna gríðarlega mikinn fróðleik, sem samanstendur af þjóðsögum, sögnum og örnefnaskrám, úr austustu byggð landsins, Norðfjarðarhreppi hinum forna.  Sögusviðið eru allir hlutar þessa forna sveitarfélags: Norðfjörður, Hellisfjörður, Viðfjörður, Suðurbæir og Sandvík.

Leiðbeinandi verð: 5.980-.

Uppseld.

Stalíngrad – kiljuútgáfa

Útgáfuár: 2008

Orrustan um Stalíngrad var ekki einungis sálfræðilegur vendipunktur síðari heimsstyrjaldarinnar; hún breytti einnig nútímahernaði.

Í bókinni er lýst reynslu hermanna beggja stríðsaðila sem börust við ómannúðlegar aðstæður, svo og óbreyttra borgara sem sátu fastir mitt í átökunum.  Höfundurinn, breski sagnfræðingurinn Antony Beevor, lýsir af mikilli nærfærni og skilningi grimmdinni, hugprýðinn og þjáningunum sem þetta fólk mátti þola og byggir hann lýsingar sínar að verulegu leyti á áður óbirtum gögnum í söfnum í Þýskalandi og Rússlandi.

Fullt verð: 1.980-.

Uppseld.

Síldarvinnslan hf

Útgáfuár: 2007

Hér er brugðið upp svipmyndum úr hálfrar aldar sögu þessa norðfirska fyrirtækis.  Það var stofnað árið 1957 og reisti í upphafi síldarverksmiðju og hóf að reka hana, en áður en áratugur var liðinn var fyrirtækið orðið hið stærsta á Austurlandi og hafði með höndum útgerð og fjölþætta fiskvinnslustarfsemi.

Uppseld.

Síðasta þorskastríðið

Útgáfuár: 2007

Útfærsla Íslendinga á fiskveiðilögsögunni í 200 mílur kallaði á einn eitt stríðið við Breta (reynda fleiri þjóðir).  Heimsveldið gegn eyþjóðinni.  Væntanlega hafa margir haldið að átökin yrðu ójöfn, en íslenska Landhelgisgæslan lét ekki að sér hæða og svör hennar við ágangi Breta, sem byggðust á notkun togvíraklippanna, vöktu athygli víða um heim.  Við þeim áttu Bretarnir engin svör.

Bókin byggir einkum á heimildum úr íslenskum og breskum skjalasöfnum sem nýlega hafa verið gerðar opinberar og ekki rannsakaðar að ráði áður.

Leiðbeinandi verð: 4.380-.

Uppseld.

Stalíngrad

Útgáfuár: 2007

Orrustan um Stalíngrad var ekki einungis sálfræðilegur vendipunktur síðari heimsstyrjaldarinnar; hún breytti einnig nútímahernaði.

Í bókinni er lýst reynslu hermanna beggja stríðsaðila sem börust við ómannúðlegar aðstæður, svo og óbreyttra borgara sem sátu fastir mitt í átökunum.  Höfundurinn, breski sagnfræðingurinn Antony Beevor, lýsir af mikilli nærfærni og skilningi grimmdinni, hugprýðinn og þjáningunum sem þetta fólk mátti þola og byggir hann lýsingar sínar að verulegu leyti á áður óbirtum gögnum í söfnum í Þýskalandi og Rússlandi.

Uppseld.

Norðfjarðarsaga I

Útgáfuár: 2006

Norðfjarðarsaga I spannar það frá upphafi byggðar í firðinum og fram til 1895.  Greint er frá landsháttum, atvinnuháttum, verslunarmálum, félagsmálum og málefnum kirkjunnar, auk þróunar byggðar og upphafi þéttbýlismyndunar á Nesi. Fjölmargar myndir og kort prýða bókina.

Leiðbeinandi verð: 7.900-.

Uppseld.

Fall Berlínar 1945

Útgáfuár: 2006

Fall Berlínar 1945 er einstök bók um hrikaleg lok síðari heimsstyrjaldarinnar og örlög þúsund ára ríkis Hitlers. Antony Beevor, einn þekktasti sagnfræðingur okkar tíma, lýsir hér af nærfærni og list gangi innrásarinnar í Þýskaland úr austri og þeim mannlegu örlögum og hörmungum sem hún hafði í för með sér.

Uppseld.