Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Stalíngrad

Útgáfuár: 2007

stalingrad

Orrustan um Stalíngrad var ekki einungis sálfræðilegur vendipunktur síðari heimsstyrjaldarinnar; hún breytti einnig nútímahernaði.

Í bókinni er lýst reynslu hermanna beggja stríðsaðila sem börust við ómannúðlegar aðstæður, svo og óbreyttra borgara sem sátu fastir mitt í átökunum. Höfundurinn, breski sagnfræðingurinn Antony Beevor, lýsir af mikilli nærfærni og skilningi grimmdinni, hugprýðinn og þjáningunum sem þetta fólk mátti þola og byggir hann lýsingar sínar að verulegu leyti á áður óbirtum gögnum í söfnum í Þýskalandi og Rússlandi.

Uppseld.

Efnisflokkun: Sagnfræði, Stríð

Fyrsti vestur-íslenski feministinn

Útgáfuár: 2007

fyrsti_vestur Margrét J. Benedictsson ólst upp við erfiðar aðstæður á Íslandi og hélt ung til Vesturheims ásamt fjölda landa sinna í von um betra líf. Þar lét hún mikið til sín taka í jafnréttisbaráttu kvenna og varð ötull málsvari þeirra jafnt í ræðu sem riti.

Saga Margrétar er saga mikillar hugsjónakonu sem átti sér þann draum að gera heiminn aðeins betri. Saga hennar má alls ekki gleymast.

Leiðbeinandi verð: 4.780-.

Uppseld.

Efnisflokkun: Ævisögur og endurminningar

Fylgdarmaður húmsins

Útgáfuár: 2007

fylgdarmadur_humsins Heildarkvæðasafn Kristjáns frá Djúpalæk. Hver ljóðaperlan af annarri úr smiðju þessa stórgóða skálds og auðvitað lætur enginn ljóðaunnadi þessa bók framhjá sér fara.

Uppseld.

Efnisflokkun: Ljóð og listir

Njósnari í Þýskalandi nasista?

Útgáfuár: 2007

njosnari_i_thyska Olga Tsékova fór frá Rússlandi til Þýskalands og gerðist þar kvikmyndaleikkona. Hún var í miklu uppáhaldi hjá nasistum, ekki síst Hitler, en vann með leynd fyrir rússnesku leyniþjónustuna. Þetta er saga af ótrúlegu hugrekki, hugsjónum, ótta, sjálfsfórnum og svikum

Leiðbeinandi verð: 4.380-.

Uppseld.

Efnisflokkun: Ævisögur og endurminningar, Stríð

Njósnari í Þýskalandi nasista?

Útgáfuár: 2007

Leiðbeinandi verð: 4.380-.

Uppseld.

Efnisflokkun: Ævisögur og endurminningar, Stríð

Nýjar sögur og sagnir úr Vestmannaeyjum

Útgáfuár: 2007

nyjar_sogur_og Í þessari bók stíga fjölmargir Vestmannaeyingar á stokk og láta mikið að sér kveða. Guðjón líkkistusmiður á Oddsstöðum slær máli á látna – og lifandi, Nýja í Suðurgarði fær undarlega sprautu frá Einari lækni og Mundi í Draumbæ ekur með prestsfrúna og fleira drasl. Stúkumaðurinn Tóti í Berjanesi fær sér einn lítinn, Bjarnhéðinn Elíasson flaggar og kona hans, Ingibjörg Johnsen, geymir jólaveltu blómabúðarinnar á óvenjulegum stað. Þórarinn í Geisla leitar að Óskari á Háeyri á hverri strippbúllunni á fætur annarri og Óli Gränz lætur taka af sér fermingarmynd þótt langt sé um liðið síðan hann fermdist. Bogi í Eyjabúð fær gos, Gísli Óskarsson reiðist í símann og séra Bára veldur vonbrigðum.

Uppseld.

Tengsl: Vestmannaeyjar Efnisflokkun: Gamansögur

Kibba kiðlingur

Útgáfuár: 2007

kibba Ævintýrið um Kibbu kiðling svíkur engann, hvorki unga né gamla.

Uppseld.

Efnisflokkun: Barnabækur

Náttúruskoðarinn III: Úr steinaríkinu

Útgáfuár: 2007

natt_iii Í þessari þriðju og síðustu bók í bókaflokknum Náttúruskoðarinn er fjallað um víðfeðmasta og viðamesta ríki náttúrunnar, steinaríkið (hinar bækurnar í bókaflokknum heita Úr dýraríkinu og Úr jurtaríkinu). Ekki er um að ræða kennslubók um steina, heldur auðlesinn texta og vangaveltur um ýmsa stóra og smáa þætti úr steinaríkinu svo sem veður, hús, vélar, raforku, álver, kot, hraun og Tröllaskaga. Einnig eru í bókinni teikningar og ljóð tengd hverju viðfangsefni og í sumum tilvikum líka töflur og kort.