Gleðileg Jól
Þriðjudagur 21. desember 2010
Gleðileg jól
Bókaútgáfan Hólar þakkar frábærar viðtökur á útgáfubókunum 2010. Margir titlanna eru á þrotum hjá útgáfunni s.s. Með létt skap og liðugan talanda – lífssaga Margrétar í Dalsmynni, Það reddast – ævisaga Sveins Sigurbjarnarsonar ævintýramanns á Eskifirði, Pétrísk-orðabók, eftir hinn eina og sanna sr. Pétur Þorsteinsson prest í Óháða söfnuðinum, Spurningabókin 2010 og Í ríki óttans – -örlagasaga Þorbjargar Jónsdóttur Schweizer. Þá er sáralítið eftir af Feimnismálum Vilhjálms Hjálmarssonar, Bestu barnabröndurunum, Sjónhverfingum-ekki er allt sem sýnist, Undir breðans fjöllum – ljóð og lausavísur Þorsteins Jóhannssonar í Svínafelli, Galar hann enn – gamansögur af Norðfirðingum og nærsveitungum, og Læknir í blíðu og stríðu – ævisögu Páls Gíslasonar læknis, skátaforingja og stjórnmálamanns. Ennfremur gengur hratt á hina stórkostlegu ljóðabók, Fjallaþytur, en hún inniheldur úrval úr kveðskap hins einstaka Hákonar Aðalsteinssonar og var hún þó prentuð í þokkalegu upplagi í byrjun og síðan endurprentuð!
Enn og aftur kærar þakkir fyrir viðtökur bókanna og gleðileg jól til allra nær og fjær!
Sjónhverfingar – ekki er allt sem sýnist
Útgáfuár: 2010
Hér finnur þú bráðskemmtilegar myndaþrautir og kemst um leið að raun um að ekki er allt sem sýnist. Hvernig er til dæmis hægt að finna gamla konu út úr mynd af ungri stúlku?
Leiðbeinandi verð: 1.1.90-.
Uppseld.
Bestu barnabrandararnir – brjálæðislega góðir
Útgáfuár: 2010
Bestu barnabrandararnir eru stútfullir af gríni sem kemur öllum í gott skap. Bókin hentar vel í einrúmi, en einnig í fölmenni og hvernig væri að þeir sem troða upp hér og þar gripu hana með sér og læsu upp einn og einn brandara fyrir viðstadda. Það myndi örugglega ekki spilla gleðinni.
Leiðbeinandi verð: 1.1.90-.
Uppseld.
Spurningabókin 2010
Útgáfuár: 2010
Hvaða fuglar voru áður mikið notaðir til bréfasendinga? Á hvers konar trjám vaxa kókoshnetur? Að hverjum leitaði Sveppi? Hvaða víðförli, íslenski knattspyrnumaður er kallaður Herminator? Til hvaða lands er ólympíueldurinn sóttur. Þetta og margt fleira í þessari bráðskemmtilegu bók sem nota má nánst hvar og hvenær sem er.
Leiðbeinandi verð: 1.190-.
Uppseld.
Bestu barnabrandararnir – ferlega fyndnir
Útgáfuár: 2009
Bestu barnabrandararnir-ferlega fyndnir er 14 bókin í þessum vinsæla brandarabókaflokki. Og hún svíkur engan frekar en fyrri bækurnar. Bókin er sneisafull af bráðskemmtilegum bröndurum sem henta fyrir hvern sem er, algjörlega óháð aldri.
Leiðbeinandi verð: 1.140-.
Uppseld.
Spurningabókin 2008
Útgáfuár: 2008
Undir hvaða heiti er hljóðfærið slagharpa betur þekkt? Hvað heitir gjaldmiðillinn í Japan? Hversu marga maga hafa krossfiskar? Hvar halda menn upp Fiskidaginn mikla?
Spurningabókin 2008 er bráðskemmtileg og hentar jafnt í einrúmi sem fjölmenni.
Uppseld.
Bestu barnabrandararnir – toppurinn á tilverunni
Útgáfuár: 2008
Bestu barnabrandararnir eru alltaf fyndnir og koma öllum í gott skap.
Uppseld.
Þú ert frábær
Útgáfuár: 2007
Okkur hættir stundum til að lyfta sumu fólki á stall. Okkur getur fundist einn merkilegri en annar ef hann er gáfaðri, fallegri eða fínni svo eitthvað sé nefnt. Í augum skaparans erum við samt öll jafn mikilvæg og þann boðskap þurfa öll börn að heyra.
Uppseld.
Spurningabókin 2007
Útgáfuár: 2007
Hér er spurt um tónlist og tónlistarmenn, kvikmyndir, knattspyrnu, bækur, trúarbrögð, lönd, jólasveina, dýr og nánast allt milli himins og jarðar.
Uppseld.
Bestu barnabrandararnir – þvílíkt dúndur
Útgáfuár: 2007
Magnaðir brandarar. Þessi bók ætti að vera til á hverju einasta heimili svo hægt sé að grípa til hennar hvenær sem er.
Uppseld.