Leitin að landinu góða

Útgáfuár: 2006

Jón Jónsson hét maður og var fæddur á Mýri í Bárðardal 1851. Kona hans var Kristjana Jónsdóttir frá Leifsstöðum í Kaupangsveit. Jón og Kristjana bjuggu á Mýri í Bárðardal frá árinu 1879 og eignuðust 11 börn sem upp komust. Vorið 1900 lést Kristjana í taugaveikifaraldri sem þá gekk í Bárðardal. Yngsta barnið var þá aðeins ársgamalt. Upp úr því, árið 1903, flutti Jón vestur til Kanada með öll börn sín nema elstu dótturina Aðalbjörgu, sem tók við búi hans á Mýri. Maður hennar var Jón Karlsson frá Stóruvöllum í Bárðardal. Jón gerðist fyrst landnemi í suðvestur \Manitoba, en tók sig enn upp vorið 1906 og fluttist vestur til Vatnabyggða í Saskathchewan. Þar voru hans heimkynni til dauðadags árið 1935.

Öll ár sín vestanhafs skrifaði Jón reglulega heim til Íslands, mest til dóttur sinnar og tengdasonar á Mýri, og er bréfasafn hans óhemjumikið að vöxtum. Þar segir hann fréttir af fólkinu í Vesturheimi og hefur uppi hugleiðingar um hvað kæmi Íslandi best, einkum íslenskum bændum. Hann var áfram um að kenna mönnum nýja tækni, en samtímis hafði hann þungar áhyggjur af pólitísku ástandi í heiminum. Bréf hans eru uppistaða þessarar bókar og eru þau magnaður vitnisburður um íslenska alþýðumenningu og íslenska alþjóðahyggju.

Uppseld.

Pétur Poppari

Útgáfuár: 2005

Saga Péturs Kristjánssonar lætur engan ósnortinn. Hann var goðsögn í lifanda lífi, hinn fullkomni holdgervingur hippakynslóðarinnar, en notaði þó aldrei dóp, og var samnefnari fyrir allt það flippaðasta sem rokksaga Íslands hefur að geyma. Pétur poppari – óborganleg bók um einstakan karakter.

Uppseld.

Gæfuleit

Útgáfuár: 2005

Þorsteinn Jónsson var einn af stofnendum Framsóknarflokksins, þingmaður, skólastjóri og útgefandi. Hann bjargaði Gagnfræðaskólanum á Akureyri frá hruni og gaf út verk Davíðs Stefánssonar. Frábær ævisaga um forvitnilegan mann sem hafði áhrif.

Uppseld.

Þorpsskáldið Jón úr Vör

Útgáfuár: 2005

Jón úr Vör rekur hér lífshlaup sitt. Hann vex upp í allsleysi í þorpinu sínu fyrir vestan, flyst síðan suður og öðlast frægð þegar ljóð hans eru þýdd á erlenda tungu og fær að lokum sess meðal heiðurslistamanna
þjóðarinnar. Löngu tímabær bók.

Leiðbeinandi verð: 4.380-.

Uppseld.

Því ekki að brosa

Útgáfuár: 2005

Séra  Birgir Snæbjörnsson, prestur á Akureyri, dregur fram skemmtilegar stundir ævi sinnar og þær eru svo sannarlega broslegar.

Uppseld.

Alexander mikli – sonur guðanna

Útgáfuár: 2004

Alexander mikli er mesti herkonungur sem uppi hefur verið. Þó varð hann ekki nema 32 ára en náði að leggja undir sig hálfan heiminn. Hér er saga hans sögð á einstæðan hátt í máli og myndum. Stórfróðleg og einkar falleg bók.

Uppseld.

Kurt Cobain: Ævisaga

Útgáfuár: 2004

Kurt Cobain og Nirvana eru goðsögn. Cross byggir þessa ævisögu Cobain á meira en 400 viðtölum, dagbókum Cobains og fjölda annarra heimilda. KURT COBAIN, ævisaga, er sögð „ … hin endanlega ævisaga Kurt Cobain.“ Entertainment Weekly skrifaði um bókina: „Stórkostleg ævisaga.“

Uppseld.

Kaktusblómið og nóttin

Útgáfuár: 2004

Jóhann Sigurjónsson var stórskáld. Sorgleg örlög Jóhanns hafa sveipað minningu hans blæ goðsagnar.
Hér er dregin upp áhrifamikil mynd af frægasta leikritaskáldi Íslendinga fyrr og síðar. Jón Viðar hefur víða leitað fanga og varpar nýju ljósi á ástir og líf Jóhanns. Loksins er hulunni svift af skáldinu sem hefur svo lengi lifað á mörkum draums og veruleika í íslensku þjóðarsálinni.

Uppseld.

Dr. Valtýr

Útgáfuár: 2004

Maðurinn á bak við söguna. Hver var Valtýr Guðmundsson? Af hverju er hann kallaður höfundur heimastjórnarinnar fremur en Hannes Hafstein? Þessu svarar Jón Þ. Þór í þessari einkar vel sömdu ævisögu Valtýs. Loksins hefur tekist að skýra stjórnmál á Íslandi í kringum 1900 svo skiljanleg verði. Tímamótaverk.

Uppseld.

Forsætisráðherrar Íslands

Útgáfuár: 2004

Styrmir Gunnarsson segir í grein sinni um Davíð Oddsson að úr því sem komið var hefði forseti Íslands gripið fyrsta tækifærið til beita neitunarvaldi; að það voru fjölmiðlögin var tilviljun, segir Styrmir. Fjallað er um alla 24 ráðherra og forsætisráðherra Íslands, byrjað á Hannesi Hafstein og endað á Davíð Oddssyni. Forsætisráðherrar Íslands er ómissandi bók öllum Íslendingum.

Uppseld.