Hérasprettir

Héraðsmenn hafa átt góða spretti í orðum og athöfnum gegnum tíðina eins og titill bókarinnar gefur til kynna. Hér er sagt frá sérkennilegum uppákomum og ógleymanlegum tilsvörum, og aðalpersónur sagnanna eru Héraðsmenn lífs og liðnir. Í bókinni birtist einnig fjöldi vísna og kvæða af léttara taginu.

Meðal efnis:
Þráinn Jónsson selur fæðubótarefni, Ólafur á Birnufelli kynnist sardínum (borðar sardínur), meðhjálparinn í Áskirkju byrjar á öfugum enda, Spila-Bjarni tekur slag við sjálfan sig, Páll á Hallormsstað stríðir við dyntótt veðurfar, Jói Þrándur finnur stað fyrir kóngulærnar, Einar á Fljótsbakka fær sólina á móti sér, Bensi í Merki drepur í sér náttúruna, Fellamenn veiða steinbít í Lagarfljóti, og Pétur á Egilsstöðum lýsir ótrúlegri veðurblíðu á bökkum Lagarfljóts.

Hákon Aðalsteinsson er grunaður um skattsvik og grípur til vopna. (leysir vandamál tengd skattframtalinu með því að yrkja kvæði), Vilhjálmur á Skjöldólfsstöðum ákveður að aka gætilega, Jónas á Heimaseli áformar að kveða niður draug með óvenjulegum hætti (hyggst kenna alræmdum kvendraug mannasiði) (grípa til óvenjulegra aðgerða gagnvart draug sem drap fyrir honum hrút), Stebbi á Brú hlakkar til bolludagsins og Frissi í Skóghlíð fer til að kaupa kvartett (lendir í ótrúlega svartri þoku). Er þá fátt eitt talið af því sem hér ber á góma.

Og svo er spurt: Er Breiðavað næsti bær við helvíti?

Leiðbeinandi verð: 3.890-.

Barnabókahátíð í Borgó!

Föstudaginn 27. október var haldin barnabókahátið í Borgarleikhúsinu. Þar voru í boði barnabækur þessa árs á sérstöku tilboðsverði fyrir leik- og grunnskóla. Mikið var að gera og auðvitað gripu margir með sér bækur frá Bókaútgáfunni Hólum, en Sirrý, sem er til vinstri á myndinni, sá um af afgreiða þær. Því má svo bæta við að í einni bókanna, Hvolpasögum eftir Gunnar Kr. Sigurjónsson, segir meðal annars frá hundinum hans, hinum eldspræka Tígli, sem vann sér það til frægðar fyrr á árinu að bjarga særðum fugli. Gunnar tók upp á myndband samskipti Tíguls og fuglsins og fór það víða um heim og var auk þess margsinnis sýnt í sjónvarpinu sem sést á bak við Sirrý. Sannarlega magnað myndband um lítinn hund með STÓRT hjarta!

Magnús Þór áritar

Magnús Þór Hafsteinsson fór að sjálfsögðu á kostum í útgáfuteitinu sem haldið var í Eymundsson í Austurstræti í tilefni af útkomu bókar hans, Vargöld á vígaslóð; sagði þar frá köflunum, las upp kaflabrot og áritaði síðan fyrir þá sem vildu nýta sér tilboðsverð bókarinnar – og þeir voru þó nokkrir!

Útgáfuteiti

Föstudaginn 27. október verður haldið útgáfuteiti í Eymundsson, Austurstræti, frá klukkan 17 til 19, vegna útgáfu bókarinnar, Vargöld á vígaslóð, eftir metsöluhöfundinn Magnús Þór Hafsteinsson. Þar verður bókin seld á tilboðsverði og síðasta bók höfundarins, Tarfurinn frá Skalpaflóa, fylgir ókeypis með á meðan birgðir endast (70 stk.). Láttu sjá þig!

Vargöld á vígaslóð – frásagnir tengdar Íslandi úr seinni heimsstyrjöldinni

Ísland var eitt mikilvægasta vígi bandamanna þegar staðan í seinni heimsstyrjöldinni var tvísýnust 1940–1942. Hér eru sannar frásagnir sem ófust með einhverjum hætti saman við Ísland. Bretar náðu glænýjum þýskum kafbáti undan Suðurlandi síðsumars 1941, tóku áhöfnina til fanga og færðu bátinn til Hvalfjarðar. Aðstaðan á Íslandi var lykllinn að því að þetta tókst.

Fyrsta sjóorrusta stríðsins átti sér stað undan Hornafirði í byrjun vetrar 1939. Hundruðum manna var slátrað.

Mesti skipsskaði í sögu Bretaveldis varð er bresku liðsflutningaskipi var sökkt við Frakkland. Nokkrum dögum fyrr flutti skipið fyrstu bresku hermennina til Íslands.

Viðgerðaskipið Hecla kom glænýtt til Íslands og lá í Hvalfirði. Þýskur kafbátur sökkti skipinu síðar með miklu manntjóni.

Hernám Íslands hafði djúpstæð áhrif á íslensk börn. Valinkunnir Íslendingar rifja upp reynslu sína af stríðsárunum á æskuárum sínum.

Leiðbeinandi verð: 7.680-.

Anna – Eins og ég er

      Þessi bók, ANNA – EINS OG ÉG ER var að detta í hús í dag. Þetta er ævisaga Önnu K. Kristjánsdóttur, skrifuð af Guðríði Haraldsdóttur, sem eru hér að taka á móti fyrstu eintökunum af þessari mögnuðu bók sem vafalaust margir eiga eftir að lesa. Bókin verður send í búðir á mánudaginn.

Anna – Eins og ég er

Frá blautu barnsbeini vissi Anna K. Kristjánsdóttir vélfræðingur að hún hefði fæðst í röngum líkama. Hún ólst upp í Höfðaborginni en varði stórum hluta æskunnar á barnaheimilum. Ung að árum ákvað hún að berjast gegn erfiðum tilfinningum sínum og gerast sjómaður en sjómennskan var nánast herskylda í fjölskyldu hennar. Hún stóð við það; fór á sjóinn, settist síðar í Vélskólann, gifti sig og eignaðist þrjú börn. Anna lék hlutverk sitt sem harður sjómaður þar til hún gat ekki meira og ákvað að berjast fyrir tilveru sinni sem kona. Saga hennar er ekki einungis forvitnileg, heldur einnig mikilvæg heimild um viðburðaríka tíma og ævi.

Leiðbeinandi verð: 7.280-.

Hvolpasögur

HHvolpar fara á kostum í þessari hugljúfu bók. Ýmislegt óvænt og skemmtilegt gerist í þessum sögum. Allir heilla hvolparnir okkur — hver á sinn hátt. Þá er hér sönn saga af Tígli, litlum hundi með stórt hjarta, en hann vann sér það til frægðar að koma smáfugli til bjargar og fóru fréttir af því víða.

Leiðbeinandi verð: 2.980-.

Leitið og finnið

Hér eru bráðskemmtilegar þrautir af ýmsu tagi sem allar eiga það sameiginlegt að reyna á athygli þess sem skoðar; sumar  þeirra eru léttar, aðrar erfiðari, en hver og ein er þroskandi.  Þetta er bók sem öll börn hafa bæðí gagn og gaman af.

Leiðbeinandi verð: 2.480-.

Fótboltaspurningar 2017

Hjá hvaða liði á Daníel Laxdal leikjametið í Úrvalsdeildinni? Andlit hvaða dýrs er í merki Leicester? Frá hvaða landi er Keylor navasx? Hver af þessum þremur hefur aldrei verið kosinn Íþróttamaður ársins: Margrét Lára Viðarsdóttir, Heiðar Helguson eða Guðni Bergsson? Frá hvaða landi er knattspyrnuliðið AZ Alkmaar?

Þessi bók er algjörlega ómissandi á heimilum knattspyrnuáhugamanna!

Leiðbeinandi verð: 1.690-.