Óli Gränz

Óli Gränz er Eyjapeyi, fæddur á stríðsárunum. Hann bragðaði snemma á alvöru lífsins þegar faðir hans veiktist og hann þurfti að axla framfærslu heimilisins ásamt móður sinni.

Óli og vinur hans Hjálmar Guðnason, Hjalli, voru þeir fyrstu sem urðu vitni að upphafi Heimaeyjargossins, en í því missti Óli aleigu sína og horfði hann til að mynda í sjónvarpinu á þegar húsið hans brann til grunna, þá kominn upp á fastalandið, eins og fjölmargir sveitungar hans.

Einkalíf og ástarlíf Óla var stundum umtalað í Eyjum og einhver komst svo að orði að hann ætti „sjö börn með átta konum“! Hið rétta er hins vegar að hann eignaðist sjö börn á átta árum með fjórum konum.

Hér segir Óli frá mörgu, sem á daga hans hefur drifið, á sinn hispurslausa og skemmtilega hátt. Gleðin hefur alltaf haft yfirhöndina í lífi hans þó svo að vissulega hafi á köflum gefið hressilega á bátinn.

Leiðbeinandi verð: 8.480-.

Með frelsi í faxins hvin

Hér segir frá Hermanni Árnasyni sem hefur stundað hestamennsku frá blautu barnsbeini. Tamning hrossa og hestaferðir hafa verið hugsjón hans alla tíð og sum verkefni hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu.

Í bókinni er jafnframt fjallað um þá hlið hestamennsku Hermanns sem lýtur að uppeldi og þjálfun hrossa, umgengni hans við þau og hvers konar meðhöndlun.
Ríflega 300 ljósmyndir prýða bókina, auk korta af helstu leiðunum sem sagt er frá.

Leiðbeinandi verð: 8.480-.

MEÐ FRELSI Í FAXINS HVIN – ÚTGÁFUTEITI

Útgáfuteiti, útgáfuteiti, útgáfuteiti!

Í tilefni af útgáfu bókarinnar MEÐ FRELSI Í FAXINS HVIN – riðið í strauminn með Hermanni Árnasyni, sem Hjalti Jón Sveinsson skráði, verður haldið útgáfuteiti í Félagsheimilinu Hvoli næsta fimmtudag, þann 6. nóvember, frá kl. 17-19. Þar verður glatt á hjalla og boðið upp á léttar veitingar.

Bókin verður að sjálfsögðu fáanleg þar á kynningarverði, kr. 7.000-. Enginn posi verður á staðnum og verður annaðhvort hægt að millifæra verð hennar eða greiða með peningum á staðnum. Hermann og Hjalti Jón Sveinsson, árita að sjálfsögðu bókina fyrir þá sem þess óska. Allir velkomnir!

Takið daginn frá, elskurnar mínar!

Bókaútgáfan Hólar

holabok.is / holar@holabok.is

Ævintýraheimur íslenskra fugla 1

Hver er stærsti fuglinn okkar? Hver er sá minnsti? Hver er besta eftirherman og mesti hrekkjalómurinn? Hver er vorboðinn ljúfi? Í þessari bók kynnumst við 16 fuglategundum sem verpa á Íslandi. Þetta er sannkölluð fjölskyldubók, prýdd glæsilegu myndefni, sem ljúft er að sofna út frá og taka svo aftur upp þráðinn kvöldið eftir.

Leiðbeinandi verð: 4.380-.

Fimm aurar – langfyndnustu brandarar í heimi!

Er það að fá fjármálaráðgjöf í banka ekki svolítið eins og að fá lífstílsráðgjöf hjá fíkniefnasala?

*

„Er þetta hjálparsíminn hjá SÁÁ?“
„Já, það passar. Hvernig get ég aðstoðað þig?“
„Hvernig býr maður eiginlega til Mojito?“

*

Hvað gera rafvirkjar til að komast í stuð?
Taka inn rafmagnstöflur.

Já, þetta er bara brot af því sem leynist í þessari bráðsmellnu bók.

Leiðbeinandi verð: 2.280-

Fótboltaspurningar 2025

Hvaða íslenska félag átti, keppnistímabilið 2025, í fyrsta skipti lið í efstu deild karla?

Við hvaða kvennalandsliði tók Elísabet Gunnarsdóttir í janúar 2025?

Hvaða ár fæddist Höskuldur Gunnlaugsson sem undanfarin ár hefur verið fyrirliði Breiðabliks?

Í heimsmestarakeppni félagsliða, sumarið 2025, léku tveir enskir bræður og það hvor með sínu liðinu. Hvað heita þeir?

Af hverju var öllum leikjum, sem áttu að fara fram a Ítalíu á annan í páskum 2025, frestað?

Hverrar þjóðar er Milos Kerkez?

Hvaða brasilíska framherja keypti Manchester United frá Wolves sumarið 2025?

Þekkirðu þennan sem er efst til hægri á kápumyndinni?

FÓTBOLTASPURNINGARNAR 2025 hitta að sjálfsögðu beinit í mark!

Leiðbeinandi verð: 1.980-.

Spurningabókin 2025 – Geta snákar synt?

Hvernig er krossinn í þjóðfána Danmerkur á litinn?

Hvaða fyrirbæri er í miðju sólkerfisins?

Hvaða íþróttagrein stunda stúlkurnar í Aþenu?

Klukkan hvað eru dagmál?

Heiti hvaða mánaðar er fremst í stafrófsröðinni?

Fyrir hvaða íþróttagrein er Bjarki Már Elísson þekktur?

Þessar spurningar og margar fleiru eru í þessari bráðsmellnu spurningabók sem hentar öllum aldurshópum og það hvar og hvenær sem er.

Leiðbeinandi verð: 1.980-.

Segir mamma þín það?

Þrátt fyrir að fréttir úr íslenska skólakerfinu hafi um langt skeið verið af neikvæðara taginu gerist þar oft og tíðum margt skemmtilegt.

Hvað gerist á fengitimanum?
Af hverju gat hafnfirska stúlkan ekki bitið á jaxlinn?
Hvað er píslarvottur?
Af hverjum var góð skítalykt?
Hver átti hrafnana Flókni og Þókni?
Fyrir hvað stendur skammstöfunin DHL?

Þetta er bara brotabrot af því sem leitað er svara við í þessari bráðskemmtilegu bók sem svo sannarlega kemur öllum í gott skap!

Leiðbeinandi verð: 5.980-.

Lamine Yamal

Spánverjinn Lamine Yamal er ekki aðeins efnilegasti knattspyrnumaður heims, um þessar mundir, heldur líka einn af þeim bestu. Hann er sannkallað undrabarn með knöttinn og leikskilningur hans er einstakur.

Í þessari bók er saga Yamals rakin, greint frá öllum metunum sem hann hedur slegið og verðlaununum sem hann hefur unnið til sem einstaklingur, með félagsliði sínu, Barcelona, og spænska landsliðinu.

Leiðbeinandi verð: 5.980-.

Jóna – atkvæði og ambögur

Jón Ingvar Jónsson kvaddi okkur því miður alltof snemma, en hann var einn af þekktustu og bestu hagyrðingum þjóðarinnar; einkar glöggur maður, fróðleiksþyrstur og kunnur fyrir skemmtilegheit, spaugsemi og galgopahátt. Hann lék sér alla tíð með orð, var hnyttinn og hafði gaman af því að fara hárfínt yfir strikið. Um sjálfan sig orti Jón Ingvar:

Ég hef alveg afleit gen,

enda fól og glanni,

rætinn, þver og illgjarn en

alveg gull af manni.

Leiðbeinandi verð: 7.480-.