Skagfirsk skemmtiljóð

Hér kveðja sér hljóðs á fimmta tug skagfirskra hagyrðinga, svo sem Andrés H. Valberg, séra Hjálmar Jónsson, Jón Kristjánsson, Jón Drangeyjarjarl, Sigurður H. Guðmundsson, Sigurjón bóndi á Dýrfinnustöðum, Þorleifur frá Frostastöðum, hjónin Kristbjörg og Axel, Jón Ingvar Jónsson, Haraldur frá Kambi, Kristján frá Brúarlandi og Jói í Stapa.

Uppseld.

Bestu barnabrandararnir – meira til

Geggjað grín á hverri síðu.

Uppseld.

Hverjir eru bestir?

Bráðskemmtilegar gamansögur af íslenskum íþróttamönnum úr nánast öllum íþróttagreinum.  Á meðal sögumanna eru Siggi Sveins, Guðjón Guðmundsson (Gaupi). Logi Ólafsson. Þorbjörn Jensson, Guðbjörn Jónsson (Bubbi), Guðmundur Gíslason, Leifur Harðarson, Lárus Jónsson (Lalli leikari), Kjartan Másson, Jón Óðinn Óðinsson og margir, margir fleiri.

Uppseld.

Íslenskt mál

Hér er að finna úrval úr þáttunum Íslenskt mál sem Gísli Jónsson, menntaskólakennari á Akureyri, tók saman og birtust í Morgunblaðinu um margra ára skeið.  Bókin er ennfremur nokkurs konar afmælisrit Gísla en hún kom út um það leyti sem hann átti 50 ára stúdentsafmæli.

Uppseld.

Þeir vörðuðu veginn

Hér segir af þremur einstaklingum er settu svip sinn með einum eða öðrum hætti á Akureyri á síðari hluta 20. aldarinnar.  Þeir eru: Vilhelm Þorsteinsson, skipstjóri og framkvæmdastjóri Útgerðarfélags Akureyringa til margra ára, Ingimar Eydal, tónlistarmaður og kennari, og Gunnar Ragnars, forstjóri Útgerðarfélags Akureyringa.

Uppseld.

Þeim varð aldeilis á í messunni

Þetta er framhald hinnar geysivinsælu bókar, Þeim varð á í messunni, og gefur henni ekkert eftir.  Óborganlegar sögur af prestum, meðal annars Sigurði Hauki Guðjónssyni, Pálma Matthíassyni, Vigfúsi Þór Árnasyni, Döllu Þórðardóttur, Svavari Stefánssyni, Arnaldi Bárðarsyni, Sigurði Ægissyni, Irmu Sjafnar Óskarsdóttur, Þorvaldi Karli Helgasyni, Baldri Rafni Sigurðssyni, Baldri Vilhelmssyni og Sigurði Arnarsyni.

Og þarna er þeirri spurningu svarað, hver sé kvensamasti íslenski klerkurinn.

Uppseld.

Dansað við dauðann

Neysla fíkniefna hefur aukist jafnt og þétt hér á landi undanfarin ár og neytendur efnanna verða sífellt yngri.  Í bók þessari er leitast við að varpa ljósi á ástandið.  Meðal annars rifja fyrrverandi fíkniefnaneytendur upp sögu sína, foreldrar segja frá missi sonar, sem varð fíkniefnunum að bráð, rakið er hvaða fíkniefni eru algengust á Íslandi og hver áhrif þeirra eru, sálfræðingur rekur breytingar unglingsáranna, sex unglingar skýra frá afstöðu sinni til fíkniefna og fimm þekktir, ungir Íslendingar gera slíkt hið sama.

Dansað við dauðann er ætluð jafnt unglingum sem foreldrum.

Uppseld.

Bestu barnabrandararnir

Stútfull bók af frábærum bröndurum sem koma öllum í gott skap.

Uppseld.

Falsarinn og dómari hans

Falsarinn og dómari hans inniheldur fimm þætti úr fortíð.  Fjallað er um: Afdrif Þorvalds Schovelin, sem frægur varð af bók Björns Th. Björnssonar, Falsarinn; Jóns Sigurðsson á Böggvistöðum, en kona hans óskaði þess að Guð slægi hann blindan; sakamál frá 1870 sem tengist trippum í Grjótlækjarskál;  Snorra Pálsson á Siglufirði sem bannað var að veiða þorsk og sálarangist eins frægasta skálds Íslendinga, Matthíasar Jochumssonar, og hvernig hún sumarið 1888 þrýsti honum til að segja þjóðinni ósatt.

Uppseld.

Þeim varð á í messunni

Hér stíga fjölmargir prestar á stokk og segja gamansögur af sér og kollegum sínum.  Nægir þar að nefna Birgi Snæbjörnsson, Hannes Örn Blandon, Hjálmar Jónsson, Pétur Þórarinsson og nafna hans Ingjaldsson, Bjarna Jónsson, Sigurð Ægisson, Svavar A. Jónsson, Róbert Jack, Baldur Vilhelmsson og eru þá fáir nefndir.

Uppseld.