Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Bestu barnabrandararnir – brjálað fjör

bb_brjaladfjor Húmor í hæsta gæðaflokki fyrir unga jafnt sem aldna.

Uppseld.

Útgáfuár: 1998

Skagfirsk skemmtiljóð II

skagfirsk_ii Hér taka margir Skagfirðingar til máls. Meðal annars Guðríður Brynjólfsdóttir frá Villinganesi, Magnús á Vöglum, systurnar Guðríður og María Helgadætur, Sigurjón Runólfsson, Birgir Hartmannsson, Hilmir Jóhannesson, Ólafur B. Guðmundsson, Ísleifur Gíslason og Sigurður Hansen.

Uppseld.

Útgáfuár: 1998

Hæstvirtur forseti

haestvirtur_forseti Gamansögur af íslenskum alþingismönnum. Loksins kom eitthvað af viti frá þeim!!! Davíð Oddsson, Helgi Seljan, Ólafur Thors, Björn á Löngumýri, Garðar Sigurðsson, Sverrir Hermannsson, Villi á Brekku, Guðni Ágústsson, Össur Skarphéðinsson, feðgarnir Hermann Jónasson og Steingrímur, Kristín Ástgeirsdóttir og margir fleiri stíga hér fram í kastljósið og sýna á sér spaugilegu hliðina – viljandi og óviljandi!

Hvaða alþingismaður taldi sauðina?

Uppseld.

Útgáfuár: 1998

Orðsnilld Einars Benediktssonar

ordsnilld Fleyg orð úr ljóðum Einars Benediktssonar; snilld skáldsins í hverri línu.

Gunnar Dal valdi.

Uppseld.

Útgáfuár: 1998

BOX

box Í þessari sinstöku bók um eina elstu og vinsælust íþróttagrein veraldar stígur hver hnefaleikameistarinn af öðrum fram á sviðið á líflegan og ógleymanlegan hátt. Nægir þar að nefna: Joe Louis, Rocky Marciano, Muhammad Ali, George Foreman, Larry Holmes, Mike Tyson, Evander Holyfield, Lennox Lewis, Oscar de la Hoya og sjálfan Prinsinn – Naseem Hamed.

Uppseld.

Útgáfuár: 1998

Kappar og kvenskörungar

kappar Þessi bók inniheldur æviþætti fjölmargra fornkappa og kvenskörunga, til dæmis: Ara fróða, Auður djúpúðgu, Egils Skalla-Grímssonar, Eiríks rauða, Gísla Súrssonar, Guðríðar Þorbjarnardóttur, Gunnars á Hlíðarenda, Helgu fögru, Hallgerðar langbrókar, Hrafnkels freysgoða, Ingólfs Arnarsonar, Leifs heppna, Njáls á Bergþórshvoli og Snorra goða Þorgrímssonar. Auk þess eru í bókinni að finna fleyg orð og ummæli úr Íslendingasögunum.

Uppseld.

Útgáfuár: 1998

HM ’98 handbókin

hm98 Hér finnur þú allt um liðin og leikmennina sem unnu sér rétt til þátttöku í Heimsmeistarakeppninni í knattspyrnu í Frakklandi 1998.

Uppseld.

Útgáfuár: 1998

Sú nótt gleymist aldrei

su_nott_gleymist_aldrei Titanic var stærsta skip veraldar, íburðarmikið kraftaverk tæknialdar, búið fullkomnasta öryggisbúnaði sem völ var á. Engu að síður hlaut Titanic þau örlög, í jómfrúarferð sinni, að sigla á hafísjaka og sökkva nótt eina í apríl 1912. Um borð voru 2.207 manns en aðeins 20 björgunarbátar.

Í bók þessari er rakin átakanleg saga farþeganna um borð og hvernig hið ógnvænlega sjóslys dró fram það besta og það versta í mönnum. Sumir gáfu líf sitt öðrum til bjargar, aðrir börðust eins og villidýr til að bjarga sjálfum sér.

Uppseld.

Útgáfuár: 1998

Grýla

gryla Glæsileg bók um vinkonu okkar, Grýlu, strákana hennar, Leppalúða, Lepp og Skrepp, jólaköttinn, margvísleg uppátæki þessara furðuvera og siði þeirra.

Uppseld.

Útgáfuár: 1997

Brynhildur og Tarzan

brynhildur_og_tarzan Brynhildur stendur á tímamótum. Hún missir móður sína, er skilin frá litla bróður sínum og send í þorpið þar sem móðir hennar fæddist og ólst upp. Sorgin ætlar að yfirbuga hana. Hún hefur aldrei fengið að vita neitt um föður sinn, ekki einu sinni hver hann er. Þorpið býr yfir leyndarmálinu um faðerni hennar, en min það gefa svör?

Uppseld.

Útgáfuár: 1997