Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Spurningabókin 2003

Hér eru spurningar við allra hæfi; spurt er um vonda menn og góða, heimspekinga og listamenn og fleiri til. sp2003

Uppseld.

Útgáfuár: 2003

drakula Þegar hinn ungi Jonathan Harker kemur í draugalegan kastala Drakúla greifa í Transylvaníu hefur hann ekki hugboð um hvað bíður hans. Skelfilegir atburðir eru í nánd. Drakúla er frægasta og ægilegasta hryllingssaga allra tíma. Ekki lesa hana einn á síðkvöldi.

Uppseld.

Útgáfuár: 2003

Lyginni líkast

lyginni Af íslenskum ýkjumönnum sem sögðu sögur af sömu list og Münchausen. Fjöldi íslenskra sagnamanna stígur fram. Frásagnargáfan er stórkostleg. Gísli Jónsson menntaskólakennari segir lífssögu Jóns Skrikks. Austfirðingurinn Sögu-Guðmundur sker í þokuna. Gunnar Jónsson á Fossvöllum segist aldrei hafa sagt ósatt orð á ævi sinni og er verðlaunaður fyrir.

Uppseld.

Útgáfuár: 2003

Afsakið – hlé

afsakid_hle Fyndnasta bók ársins. Sorglegasta bók ársins. Lygilegasta bók ársins. Bókin sem þú verður að lesa. Hinn kynþokkafulli Logi Bergmann, Jón Ársæll, Sigmundur Ernir, Þór Jónsson, Stefán Jón Hafstein, Arnar Björnsson og ótal fleiri fjölmiðlamenn birtast hér á sínum bestu stundum – og sínum verstu.

Uppseld.

Útgáfuár: 2003

Lífsþorsti og leyndar ástir

lifsthorsti Svipmyndir úr lífi Gríms Thomsens og nokkurra samferðamanna.

Höfundur: Kristmundur Bjarnason.

Fullt verð: 4480 kr. með vsk.

Uppseld

Útgáfuár: 2003

Leiðin til Jerúsalem

leidin_til Óhemju spennandi metsölubók. Leiðin til Jerúsalem gerist á 12. öld og segir sögu hins sænska Arna Magnússonar sem elst upp í klaustri undir handarjaðri vopnfimasta krossfarans. Þegar Árni snýr aftur út í heiminn er hann óviðbúinn þeim kaldrana sem mætir honum. Jafnvel faðir hans trúir því um tíma að munkarnir hafi eytt allri karlmennsku úr Árna. En Árni á eftir að koma öllum á óvart. Leiðin til Jerúsalem hefur verið á toppi metsölulista í Danmörku, Svíþjóð og Noregi.

Uppseld.

Útgáfuár: 2003

Uppgangsár og barningsskeið

uppgangsar Í þessu öðru bindi Sögu sjávarútvegs á Íslandi segir frá því þeagr vélaraflið hélt innreið sína og sjávarútvegur Íslendinga gjörbreyttist á fáeinum árum. Bátar og togarar ösluðu um öll mið og hafið tók sinn toll. Jón Þ. Þór fjallar á einstakan hátt um sjávarútveg Íslendinga. Hér er á ferðinni grundvallarrit um íslenska sögu og baráttuna við Ægi.

Leiðbeinandi verð: 6.980-.

Uppseld

Útgáfuár: 2003

Afmæliskveðja til Háskóla Íslands

afmaeliskvedja_til_HI Afmælisrit í tilefni af 90 ára afmælis Háskóla Íslands 2001. Fjölmargar athyglisverðar greinar eru í bókinni og koma þær víða við.

Uppseld.

Útgáfuár: 2003

Ævintýri Nonna: Nonni og Manni fara á sjó

nonni_og_manni_fara Eitt af hinum mögnuðu ævintýrum úr smiðju Nonna, Jóns Sveinssonar. Bræðurnir Nonni og Manni reyna að tæla fiskana upp úr sjónum en lenda í þoku og hvalavöðu og eru hætt komnir. Bráðskemmtileg og spennandi bók fyrir börn og unglinga sem og fullorðna.

Uppseld.

Útgáfuár: 2002

Gullkorn úr hugarheimi íslenskra barna

Hér er safnað saman ótal tilsvörum barna sem varpa ljósi á heimssýn þeirra. Gullkorn er falleg bók um englana okkar; speki þeirra, falsleysi og einlægni en allt þetta endurspeglast í orðum barnsins sem sagði: ,,Maður getur alveg notað ömmu sína fyrir vin.“

Uppseld.

Útgáfuár: 2002