Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Forsætisráðherrar Íslands

forsaetisradherrar Styrmir Gunnarsson segir í grein sinni um Davíð Oddsson að úr því sem komið var hefði forseti Íslands gripið fyrsta tækifærið til beita neitunarvaldi; að það voru fjölmiðlögin var tilviljun, segir Styrmir. Fjallað er um alla 24 ráðherra og forsætisráðherra Íslands, byrjað á Hannesi Hafstein og endað á Davíð Oddssyni. Forsætisráðherrar Íslands er ómissandi bók öllum Íslendingum.

Uppseld.

Útgáfuár: 2004

Bestu knattspyrnulið Evrópu

bestu_knattspyrnulid_evropu Hér er rakin saga tólf bestu knattspyrnuliða Evrópu frá stofnun þeirra til ársins 2003. Liðin eru: AC Milan. Ajax, Arsenal, Bayern München, Barcelona, Juventus, Liverpool, Manchester United, Porto, Real Madrid og Valencia.

Uppseld.

Útgáfuár: 2004

Úr handraða Ólafs landlæknis

ur_handrada_olafs

Afmælisrit tileinkað Ólafi Ólafssyni, fyrrverandi landlækni, 75 ára, þann 11. nóvember 2003.

Uppseld.

Útgáfuár: 2004

Aðalgeirsbók

Afmælisrit tileinkað Aðalgeiri Kristjánssyni, sagnfræðingi, áttræðum þ. 30. maí 2004. adalgeirsbok

Uppseld.

Útgáfuár: 2004

Ævintýri Nonna: Útilegumaðurinn

Spennandi Nonnaævintýri. Nonni og Manni fara í fjallgöngu og hitta þar fyrir útilegumann sem leitað er að. utilegumadurinn

Uppseld.

Útgáfuár: 2004

101 vísnaþáttur úr DV – og tveir að auki (f.h.)

101_visna_i Ragnar Ingi Aðalsteinsson hafði um nokkurt skeið umsjón með vísnaþætti í DV, sem varð afar vinsæll, og hér birtist fyrri hluti þeirra.

Uppseld.

Útgáfuár: 2004

Genfarsamningarnir frá 1949 ásamt bókunum frá 1977

genfar Genfarsamningarnir eru hornsteinn alþjóðlegra mannúðarlaga. Tilgangur þeirra er að vernda saklaus fórnarlömb stríðs og koma böndum á annars óheftan stríðsrekstur þjóðanna. Allt hugsandi fólk verður að kynna sér Genfarsamningana.

Leiðbeinandi verð: 6.900-.

Uppseld.

Útgáfuár: 2004

Musterisriddarinn

Árni Magnússon er krossfari í Landinu helga. Í munni heiðingjanna er hann Al Ghouti, maðurinn sem þeir virða en óttast í senn. Hinn mikli Saladin, er óvinur hans. Musterisriddarinn er afar spennandi saga sem gerist í Gaza og Jerúsalem laust fyrir árið 1200. Þetta er sjálfstætt framhald af bókinni Leiðin til Jerúsalem sem út kom í fyrra.

Uppseld.

Útgáfuár: 2004

Mamma Mö rólar

mammamo_rolar Vinsælasta kýr allra tíma er komin aftur. Og nú langar hana til að róla sér — en vill Krákur hjálpa henni? Fallegar myndir Sven Nordqvist bregða skemmtilegu ljósi á kúna sem börnin elska.

Uppseld.

Útgáfuár: 2004

Hvar er Valli?

hvar_er_valli Í gegnum tíðina hafa margir, jafnt ungir sem fullorðnir, skemmt sér við að leita að Valla sem bregður sér á ýmsa staði og hverfur þar í mannahafið – þó ekki alveg.

Uppseld.

Útgáfuár: 2003