Bókaútgáfan Hólar

Molar
- 30/07/2025
  (#)
  JÓNA - atkvæði og ambögur
  
  Það er full ástæða til að vekja athygli ljóðaunnenda og þeirra sem þess utan hafa gaman af galgopahætti, sem á það til að fara hárfínt yfir strikið, á ljóðabókinni Jónu - atkvæði og ambögur, en hún geymir úrval ljóða hins snjalla hagyrðings Jóns Ingvars Jónssonar, sem því miður kvaddi okkur allt og snemma. Þarna er margan snilldarkveðskapinn að finna svo að ekki sé fastar að orði kveðið.
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
Hólar á Facebook
Póstlistaskráning
Leita á þessari síðu

Nýjasta útgáfa Hóla

Stjarnljóð

stjarnljod Lögreglumaðurinn Helgi frá Hlíð hefur lengi skemmt fólki með kveðskap sínum en hér getur þó að líta hans fyrstu ljóðabók og er hún kærkomin

Leiðbeinandi verð: 1.790-.

Uppseld.

Útgáfuár: 2005

Ævintýri Nonna: Silungsveiðin

Eitt af vinsælu ævintýrunum úr smiðju Nonna, Jóns Sveinssonar, og auðvitað kemur þar lífsháski við sögu. silungsveidi

Uppseld.

Útgáfuár: 2005

Stafrófsvísur Ara orms

stafrofsvisur Ari ormur skríður í gegnum stafrófið og auðvitað er það ekki með öllu hættulaust.

Uppseld.

Útgáfuár: 2005

Því ekki að brosa

thvi_ekki_ad Séra Birgir Snæbjörnsson, prestur á Akureyri, dregur fram skemmtilegar stundir ævi sinnar og þær eru svo sannarlega broslegar.

Uppseld.

Útgáfuár: 2005

Á Sprekamó

a_sprekamo Afmælisrit tileinkað Helga Hallgrímssyni, náttúrufræðingi, sjötugum, 11. júní 2005.

Uppseld.

Útgáfuár: 2005

svik Tilnefnd sem besta sænska glæpasagan 2003. Engin er snjallari Alvtegen í að spinna vef óvæntra atburða. „Þetta er bók fyrir spennufíkla,“ sagði Dagbladet og Expressen skrifaði: „Svik lætur hárin rísa“. Lesið og sannfærist.

Uppseld.

Útgáfuár: 2005

Ástæður þess að karlar ljúga og konur gráta

karlar_ljuga Alþjóðleg metsölubók! Bókin sem hjálpar körlum að skilja konur og konum að skilja karla. Hjónin Barbara og Allan Pease eru þekkt fyrir innsæi og hlýlega kímnigáfu sem skýrir þá ótrúlegu staðreynd að bækur þeirra hafa selst í 19 milljónum eintaka. Bókin sem bætir samskipti karla og kvenna. Löngu tímabær bók.

Uppseld.

Útgáfuár: 2005

Alexander mikli – sonur guðanna

Alexander mikli er mesti herkonungur sem uppi hefur verið. Þó varð hann ekki nema 32 ára en náði að leggja undir sig hálfan heiminn. Hér er saga hans sögð á einstæðan hátt í máli og myndum. Stórfróðleg og einkar falleg bók.

Uppseld.

Útgáfuár: 2004

Iðnskóli í eina öld

idnskoli Iðnskólinn í Reykjavík á aldarafmæli um þessar mundir. Í fyrstu var hann einungis fábreyttur kvöldskóli en í dag er liðlega 2000 nemendum boðið upp á 820 námsgreinar á 35 námsbrautum. Hér er rakin saga þessa merka skóla sem jafnframt er nátengd sögu iðnaðar á Íslandi. Því ætti enginn iðnaðarmaður eða áhugamaður um atvinnusögu þjóðarinnar að láta hana framhjá sér fara.

Uppseld.

Útgáfuár: 2004

Hve glöð er vor æska

hve_glod Gullkornin sem ættuð eru frá börnum eru ótalmörg og bráðskemmtileg. Í þessari bók er að finna fjölmörg slík og eru mörg þeirra úr leikskólakerfinu þar sem einlægnin er ósvikin. Dásamleg bók um börnin okkar.

Uppseld.

Útgáfuár: 2004