Bókaútgáfan Hólar

Molar
- 27/08/2024
  Hólabækur ungast út! (#)
  Bækurnar frá Bókaútgáfunni Hólum streyma nú hver af annarri úr prentsmiðjunni og auðvitað er þeim dreift strax í bókabúðir. Unglingabókin ÓLGA var fyrsta bók ársins, síðan kom göngugarpabókin KINNAR- OG VÍKNAFJÖLL, þá TIL TAKS - ÞYRLUSAGA LANDHELGISGÆSLU ÍSLANDS - FYRSTU 40 ÁRIN, og nú síðast FIMM AURAR - Fyndnustu brandarar í heimi! Fleiri eru svo væntanlegar áður en langt um líður, m.a. bækur um knattspyrnu, hjátrú, síld, fugla, mest notaða orðasamband í heimi (já, hvert skyldi það nú vera?) og Drottninguna í Dalnum, fyrir nú utan bráðskemmtilegt smásagnasafn og spurningabók. Þið ættuð því endilega að fylgast með væntanlegum útgáfufréttum á holabok.is.
- 25/04/2023
  Fyrsta bók ársins 2023 (#)
  Þá er fyrsta Hólabók ársins 2023 komin út. Hún heitir Hormónar og fleira fólk - Missannar sögur frá síðustu öld, er eftir Halldór Ólafsson, og saman stendur af fjölmörgum smellnum sögum og vísum. Er ekki tilvalið að fara brosandi og jafnvel skellihlægjandi inn í sumarið?
- 12/01/2022
  Anna Kristine látin (#)
  Anna Kristine Magnúsdóttir Mikulcákova lést nú í ársbyrjun. Bókaútgáfan Hólar gaf út tveir bækur eftir Önnu, Milli mjalta og messu, sem byggði á samnefndum og vinsælum útvarpsþáttum hennar, og Með létt skap og liðugan talanda, sem er ævisaga Möggu í Dalsmynni. Báðar bækurnar nutu vinsælda, enda var Anna fundvís á viðmælendur og kunni þá list að leita eftir því markverða og segja þá sögu vel og heiðarlega. Blessuð sé minning Önnu Kristine.
- 26/12/2021
  Fugladagbókin 2022 (#)
  Margir hafa þann skemmtilega sið að skrá hjá sér eitt og annað í dagbækur. Senn lýkur þessu ári og því viljum við Hólamenn minna á Fugladagbókina 2022, sem er í rauninni miklu meira en hefðbundin dagbók. Þar er að finna fróðleik um 52 fugla - einn fyrir hverja viku, marga svokallaða flækinga hér á landi, auk glæsilegra mynda af þeim. Fyrir fuglaáhugafólk er tilvalið að punkta hjá sér ýmislegt í bókina varðandi fugla, s.s. hvenær þessi fugl sást og þá hvar. Svo má vitaskuld nota dagbókina eins og hverja aðra og punkta hjá sér hvaðeina sem gott er að eiga skráð. Bókin er mjög hentug og t.d. fyrir fuglaáhugamenn má nefna að hún fer einkar vel í tösku. Því er tilvalið að grípa hana með sér í fuglaskoðun.
  
  Fugladagbókin 2022, sem er eftir Sigurð Ægisson, er sannkölluð gersemi á meðal dagbóka!
- 03/10/2021
  Instagram (#)
  Bókaútgáfan Hólar er mætt á Instagram. Þú finnur hana undir bokautgafan_holar. Endilega skelltu í "add" og fylgstu með skemmtilegum innslögum!
- 18/04/2021
  Papa Jazz allur (#)
  Um miðjan þennan mánuð lést Guðmundur Steingrimsson - Papa Jazz. Hann var afar snjall trommuleikari og einn af brautryðjendum djassins hér á landi; lék með fjölda hljómsveita og kenndi ýmsum þá list sem vandaður trommuleikur er.
  
  Árið 2009 kom út hjá Bókaútgáfunni Hólum ævisaga Guðmundar og ber hún einfaldlega heitið Papa Jazz. Það var Árni Matthíasson sem skráði og má fullyrða hér og nú að samvinna þeirra félaga hafi orðið til þess að margvíslegur fróðleikur um tónlistarlífið á Íslandi varðveitist um ókomin ár og þá ekki síst það sem snýr að jazzinum.
  
  Undirritaður kynntist Guðmundi vel á þessum árum og ræddum við um heima og geima, meira að segja um knattspyrnu, en Papa Jazz var stuðningsmaður Leeds og fylgdist ágætlega með boltasparkinu. Þess utan var hann mikill sögubrunnur um menn og málefni og var virkilega gaman að hlusta á hann segja frá. Hann kunni óteljandi sögur, fæstar máttu auðvitað fara eitthvað lengra, en hann sagði þær og aðrar einnig af slíkri snilld að unun var af.
  
  Blessuð sé minning Papa Jazz.
  
  Guðjón Ingi Eiríksson.
Hólar á Facebook
Póstlistaskráning
Leita á þessari síðu

Nýjasta útgáfa Hóla

Rauðu djöflarnir-Saga Manchester United 1878-1999

raudu_djoflarnir Hér er rakin saga vinsælsta knattspyrnuliðs veraldar, Manchester United, allt frá stofnun þess 1878 til þrennuársins 1999. Farið er yfir sorgir þess og sigra, sagt frá ýmsu sem gerðist að tjaldarbaki og fjallað fjölmarga leikmenn liðsins. Þessi bók á að vera til á öllum heimilum United-manna.

Uppseld.

Útgáfuár: 1999

Já, ráðherra

ja_radherra Davíð Oddsson, Halldór Ásgrímsson, Guðni Ágústsson, Árni Johnsen, Matthías Bjarnason, Einar Oddur Kristjánsson, Halldór Blöndal, Stefán Jónsson, Ólafur Thors, Svavar Gestsson, Ragnar Arnalds, Jón Baldvin Hannibalsson og allir hinir láta hér gamminn geisa svo um munar.

Hver varð ráðherra fyrir misskilning?

Uppseld.

Útgáfuár: 1999

Bestu barnabrandararnir – svaka stuð

bb_svaka

Óborganlega fyndin bók fyrir alla aldurshópa.

Uppseld.

Útgáfuár: 1999

Gettu nú

gettu_nu Hvað hefur krossfiskur marga arma? Hvað heitir minnsti jólasveinninn? hver leikur háðfuglinn Mr. Bean? Hvar er Kántrýbær? hvert er hæsta dýr jarðar? Þetta og margt fleira í þessari bráðskemmtilegu spurningabók.

Uppseld.

Útgáfuár: 1999

Skagfirsk skemmtiljóð III

skagfirsk_iii Hér kveðja sér hljóðs á fjötta tug snjallra, skagfirskra hagyrðinga, svo sem Jón Kristjánsson, séra Hjálmar Jónsson, Kristján Stefánsson frá Gilhaga, Þorleifur Konráðsson frá Frostastöðum, Lúðvík kemp, Björn Pétursson frá Sléttu, Árni Gunnarsson, Jói í Stapa, Sigurður Hansen, Stefán Guðmundsson og Haraldur frá Kambi.

Uppseld.

Útgáfuár: 1999

Dagbók Anne Frank

dagbok_af Dagbók Anne Frank kemur nú í fyrsta skipti út óritskoðuð á Íslandi. Allir kaflarnir, sem faðir Anne kaus að sleppa í fyrri útgáfum, eru hér með. Fyrir vikið verður til einstæð og sönn þroskasaga ungrar stúlku sem lýsir meðal annars vaxandi áhuga hennar á hinu kyninu, stríði unglingsins við foreldra sína, sérstaklega móðurina, og vaxandi einsemd táningsins í miðju fári seinni heimsstyrjaldarinnar.

Að Biblíunni undanskilinni hefur engin bók selst í fleiri eintökum en Dagbók Anne Frank.

Uppseld.

Útgáfuár: 1999

Af föngum og frjálsum mönnum

af_fongum_og_frjalsum_monnum Endurminningar séra Jóns Bjarman er óvenjuleg ævisaga og ein sú eftirminnilegasta sem hér hefur komið út. Sennilega hefur enginn íslenskur prestur átt jafn fjölbreytta starfsævi og hann. Í starfi sínu hefur hann gengið með glöðum, en einnig þurft að horfast í augu við sárustu þjáningar sem mannssálin getur liðið.

Séra Jón var fyrsti fangapresturinn hér á landi og á meðal brautryðjenda í starfi presta á sjúkrahúsum. Hér greinir hann frá þessu í bók sem í senn er hrífandi og nöturleg.

Uppseld.

Útgáfuár: 1999

Aldarreið

aldarreid Aldarreið er saga Hestamannafélagsins Hrings en um leið saga hestamennsku í Svarfaðardal og Dalvík á 20. öld. Bókina prýða um 170 ljósmyndir af hestum og hestamönnum.

Uppseld.

Útgáfuár: 1999

Lífsþróttur

lifsthrottur Ertu í stöðugri baráttu við aukakílóin? Hér er ítarlega fjallað um offituvandann, ástæður hans og aðferðir sem virka í baráttunni. Fjöldi megrunaraðferða er einnig krufinn til mergjar.

Stríðir þú við lystarstol eða lotugræðgi eða ertu einfaldlega of magur? Hér segir meðal annars frá ástæðum átröskunarsjúkdóma, afleiðingum þeirra og meðferð.

Það er löngu vitað að mataræði hefur áhrif á sjúkdóma. Hér er ítarlega fjallað um þetta áhrifasamband og tengsl þess meðal annars við hjarta- og æðasjúkdóma og sykursýki.

Ítarlegt neyslukerfi er í bókinni þar sem tilgreindar eru hitaeiningar fjölda afurða. Höfundurinn, Ólafur Gunnar Sæmundsson næringarfræðingur, byggir kerfi viðmiðunardaga á þessu neyslukerfi, en viðmiðunardagar fylgja flestum kaflanna og leggja línurnar um mataræði þeirra sem vilja léttast, þyngjast, ná betri árangri í íþróttum, eru sykursjúkir eða veikir fyrir hjarta, svo dæmi séu nefnd.

Uppseld.

Útgáfuár: 1999